Mynjur ki dkhot ka MEMRIWU wow yah biang ya ki kari 108 hadien wa mynjur ka GVK EMRI ya ki kattu katni ki dawa

Shillong: Ki wakreh GVK EMRI hapoh ka lama yong ka Meghalaya Emergency Management and Research Institute Workers’ Union (MEMRIWU) da mynjur ki wow pteiñ biang wow kreh yei kaam yong ki hadien ka yachem wa le liang wa pynman ynne ka sngi ha kamra krehkaam u montri ka chait ka khiah.

Hadien ka yakhih kawa da jan em chi snem wei kawa da joor bha ha ki ar bnai wa da dep da ki wakreh 108. Ka yalang hapyrdi ka sorkar jylla, kiwa pynlai ka GVK EMRI wa ki dkhot ka Meghalaya EMRI Worker Union (MEMRIWU) da poi ki cha yasuk noh hadien wa ka liang ki bor pynlai da mynjur ki wow pynkrehkaam ya ki kattu katni ki dawa ka Union.

Hawa klam hadien wa kut ka yalang, u montri ka chait ka khiah, u A L Hek da pyntip u wa ka yaklam man ko kawa mihsoh heiwa waroh arliang, ka MEMRIWU wa ka GVK EMRI da ye ki wow pynbait ya i eh wei da mynjur lang ki wow sdang noh wow pynkrehkaam ya ki Ambulance 108 ha ka jylla.

U State Head ka GVK, u Dipankar Choudhry da pyntip u wa ka Company da mynjur ki ya ki kattu katni ki dawa yong ka MEMRIWU wei daw sdang noh i krehkaam biang ya ki Ambulance 108 manda pyndep pynbha pynmiat ya ki kari Ambulance kiwa da sangeh kattu la 2 bnai kiwa em 34 tylli kiwa da rah noh cha pchem ka DHS wa 24 tylli kiwa da phah wow pynchna noh ki wa da booh donhi ki waroh chi kattu.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hawa kylli hajrong i dawa wow pynku tulop ki dkhot ka Union da 100%, u Dipankar da pyntip u wa ka yalang da mynjur wow pynku yaka tulop da 10% wa ka Increment leh da 10% nalor i por wa kreh pyntam neiwa booh daw e tam 10%.

Neiliang u President ka MEMRIWU, u Roipar Kharraswai da ong u wa ini i rai wow sdang biang ya ka kaam toh hadien wa ka Company ka da mynjur ko wow pynku lang 30% i su na i dawa kawa ong 100%.

“I sñiaw i wa hap wow hun noh neibhah 30% toh kawa neiliang ka Company katwa ka sorkar ym em kular ko wow pyndap lang ya ki dawa yong i,” da ong u.

Hawa kylli hajrong i dawa wa da booh wow pynlai noh da ka sorkar, u Kharraswai da ong u, “Ini i dawa yong ki ym pu em yap i wei ka sorkar toh u chimkti hi noh ko.”

Chooh chooh da ong u wa ka GVK daw kut noh ka Contract wa ka sorkar ha u Wisu (March) 2021, wei hadooh itæ i por, ka sorkar ye kow wow thooh ki laad ki luti neibynta ini.

“Ym kwah i wow wan da kawi won ka Company neibhah daw mih bait i jooh eh,” da ong u Kharraswai.