Ka chnat District Council Affairs ka sorkar Meghalaya ynni da pyntip ko wa da pynmih hukum da u Lat ka jylla wow pteiñ ya ka samoi krehkaam ka Khasi Hills Autonomous District Council (KHADC) waka Jaiñtia Hills Autonomous District Council (JHADC) da 6 bnai iwa mut nadooh ka 05-03-24.
Da pyntip wa neidaw wa i kaam yow phiah namo ka Delimitation ki Constituency ha kini ki ar District Council ym pu em dep ki, kamtæ u Lat da mynjur u wa i pynman Election ymtoh iwa ye u leh kat wym pu ye u pyndep yeini.
Kamtæ katkam ki kyndon Sub-Paragraph (6A) ka Paragraph 2 ka Sixth Schedule ka Constitution ka ri India deilang waka kyndon Sub-Rule (1) ka Rule 7 ka The Assam & Meghalaya Autonomous Districts (Constitution of District Councils) Rules, 1951 wei katkam wa da dep pynkylla, u Lat da pynbna u yeini i pynyinsur yei por man MDC kini ki ar District Council.
Kam wow pynkynmoo wa ka sorkar da dep pynbna ko yeini tangwa da man i iwa paka deiwa pynmih ya kani ka hukum da u Lat ka Meghalaya.
Discussion about this post