U Prime Minister ka ri u Narendra Modi da mynjur u yaka poisa e yarap wa T. 2 lak samen lyngba ka Prime Minister’s National Relief Fund cha kiwa ha yung yong kitu kiwa dooh yei mynsien yong ki neiwa jia wa kheiñ ka um thah (Glacier) ha Chamoli, Uttrakhand.
Da mynjur u leh yaka poisa yarap wa T. 50,000 cha kitu kiwa mynsoo bha.
Kam wow pynkynmoo wa ha ini i jia, da chlai ka um hadien wa kheiñ ka Glacier haka wah kawa kit kylla yei ktieh wa khyndaw heiwa da pra leh ka Rishiganga Small Hydro Project 13.2 MW kamjooh da ktah ko leh yaka Hydro Project ka NTPC ha Tapovan wa em haka wah Dhauliganga kawa man ka chnat ka wah Alaknanda.
Da em leh 12 ngut ki bru wa sahkut hapoh ka Tunnel wa da ye u pynlait ki katkam wa pyntip ka Central Water Commission deiwa pyntip leh ym em i maa ya kiwi kiwa em rap chawah ka wah.
U Chief Secretary ka jylla da pyntip u wa ka sorkar Uttarakhand da ye wow kyrriah wa kiwa boon kiwa chong chnong.
