Jowai: Ka khubor wa slem u yoh na ki pulit da ong wa ha ka 26 tarik heipor 9:30 i step da em i tyrrah hapyrdi kawi ka truck wa ka Tata Sumo hadooh wa da dooh ya iwi i mynsien.
Ini da jia i ha Puriang heiwa kawi ka truck wa em u No. AS-07GB-2315 da yah ya ka da u Malki Singh (33 snem) katwa ka Tata Sumo wa em No. ML-04B-4165 da yah da u Bhalang Pakma (26 snem i rta) da tyrrah ki.
Ha ini i yatryrrah chiphaw ngut kiwa chong da mynsoo ki wei da kit ya ki cha NEIGRIHMS wa cha Nazareth Hospital, Shillong yow yoh ki yei sumaar wa bniah.
Ya uwa yah da pynkit cha Woodland Hospital, Shillong heiwa da ong wa da khlaad u ha luti.
Discussion about this post