Mynsoo 7 ngut kiwa pyrchah yei chna ya ka Ramkrishna Mission School ha Mawkynrew

Ka Deputy Commissioner ka East Khasi Hills ynne ka sngi da pynkrehkaam ko da ka Curfew ha chnong Mawkynrew hadien wa mih i kynaad wa joor hadooh wa da em leh i mynsoo nei ya tyngkhooh ki paidbah wa ki bru ka aiñ.

Ynne ka sngi kamwa 7 ngut ki bru da mynsoo ki hadien wa da chah sympat da u lathi ha ki pulit neidaw wa pyrchah ki yei kreh yow pynchna ya ka Ramkrishna Mission School, deiwa pynbaad ki wa da leh embor u sordar.

Ka Mawkynrew toh kawa haap hei pait ka Madanriting Police Station, East Khasi Hills.

Related posts

Na ki 8 ngut wa mynsoo ha Thangskoo kiwa chah sumaar ha NEIGRIHMS em kiwa em hapoh CCU wa ICU

February 7, 2026

Pynlait paidbah ka Frank Motors ya ka Tata Sierra 2.0 yow pynim biang ya kani ka kari wa bna naam  

February 7, 2026

Katkam ka khubor wa da yoh, ki pulit da hap ki wow siat da ki Tear Gas cha kiwa da toor wow lai cha kani ka thaw. Da pyntip leh wa kini ki bru kiwa lai toor cha kani ka thaw toh kiwa na ka chnong Mawlein wa Mawkynrew yow pyrchah yei pynkreh u Acting Sordar ya kani ka Ramkrishna Mission School khlem da da tip ki.

U Phrangwel Wankhar uwa yahkhmat ya kini ki ar chnong da ong u wa ki paidbah da rah ki da ki wakhu, ki lyngka yow lai kreh ya ka madan yow pynyoo wa kani ka thaw toh kawa da e cha ka Club.