Jowai: Katkam ka yutip wa da yoh na ki pulit da ong wa ha ka 1 tarik uni u bnai u Pradip Kumar Deka da ujor u wa heipor 1:30 waje i step da em ki damok ha ki ar tylli ki Maruti car (ki wymtip number) da dat da bom ki ya u Dipen Ch Nath (49 snem) wa u Mani Kumar Pator (32 snem).
Kini ki ar ngut wa chah dat toh kiwa yang sonteri (Security Guard) yong ka M/s Hills Cement Co. Ltd.
Ini da jia i heipor wa liwan ki cha yung sah yong ki wa em ha Mynkre, NH-44 (EJH) heiwa kini ki damok da knieh ki leh ya ka poisa na kini ki ar ngut.
Kini ki damok da rahbor ki leh ya u Dipen Ch Nath ha ki kari yong ki katwa u Mani Kumar Pator da yoh u wow yut na kani ka kari.
Hadien ini ki pulit da thooh kynreh ki ha chnong Umstain wa em hapoh Lumshnong PS heiwa da yoh ki u pyllait ya uwa chahrah uwa da mynsoo joor wei da pynkit ya oo cha CHC Khliehriat, heiwa da phah yah won ya oo cha ki thaw sumaar wa rap heh.
Discussion about this post