Jowai : Katkam ka khubor wa da yoh na ki pulit da ong wa ha ka 10 tarik uni u bnai heipor kamwa 4 waje i janmiet da em i yatyrrah ki le tylli ki kari.
Ini da jia i ha Mawlyndep, Sohryngkham (EKH) hapyrdi ka Maruti Alto wa em u No. ML-05J-7354, ka Maruti Swift Dzire (Tourist) wa em u No. ML-05M-1332 wa ka Maruti Swift wa em ya u number ML-05-M-5390.
Ka kari Maruti Alto toh kawa wan na Silchar wa thmu u lai cha Shillong, ka Maruti Swift Dzire kawa man leh ka kari kamai kawa wan na Shillong wow lai cha Jowai.
Uwa yah ya ka Swift Dezire da ong u wa ka Alto da wan ko neiliang wa bakla wei da tyngkhooh ki mar dei khmat wei hadien kani ka Swift Dzire won da em sa ka Maruti Swift wa bood kawa da tyngkhooh biang wa kani ka Alto hadooh wa da kyruiñ biang ko cha liang ka Jowai.
Ya ka Alto da yah da u Kamlesh Thakur uwa 27 snem i rta katwa ya ka Maruti Swift Dzire da yah da u Early Sariang uwa 29 snem i rta.
Ha ini i jia ar ngut kiwa chong hapoh ka Maruti Alto da mynsoo ki wei da pynnkit ya ki cha Civil Hospital Shillong.
Discussion about this post