Mynsoo ar ngut hei chah ban ka kari ha ka Truck Dumper wa kit moo ha Soomer

Ar ngut ki bru da mynsoo ki hadien wa kawi ka Truck Dumper wa kit moo da kylla ko wei da ban ko ya kawi ka kari ha i bynta wa kut u sarok Jowai Bypass ha Soomer.

Ini toh iwa da jia ynne heipor kamwa 11:00 waje i step haroh heiwa kani ka Truck wa em Number ML-10C-4045 kawa lai cheiliang Guwahati da kylla wei da phlai ki moo wa kit ko kiwa da ban ya ka kari wa dang thymme ka Maruti Grand Vitara ka wym pu em Number kawa wan neiliang Jowai.

Hapoh kani ka Grand Vitara da em ar ngut, u chynrang wa ka kynthai heiwa ka kynthai da mynsoo joor ko wei da kit ya ka cha Woodland WK Hospital, Sabhahmuswang.

Da antaad wa kani ka Truck da kylla ko neidaw wa joor pynhær ha ini i thaw wa dong u sarok.

Related posts

Ki kari kiwa khlem pyndait ya ki HSRP ha Meghalaya daw ksoh ki wei ki tre ye ki u chah kset

May 8, 2026

Wai u Lahkmen Rymbui ya ka Building thymme ka Jowai Polytechnic deiwa kular wow pynbiang yeiwa dang duna

May 8, 2026

Yei pyrtuid uwa yah Truck kamjooh kiwa mynsoo ym pu tip hadooh wa pynmih ya kani ka khubor.

Neiliang ki pulit dapoi ki ha ini i thaw yow kyrriah ya ka kari kamjooh ka Truck.