Mynsoo boon ngut ha i tyrrah kari ha ki ar thaw ha EJH

Jowai: Ynne ka sngi ha EJH da jia ar tylli ki ya tyrrah kari ha Kongong wa ha Shohshrieh hajan ka Petrol Pump heiwa da mynsoo joor 6 ngut.

Ha Kongong heipor 11:30 i step kawi ka truck wa kit mar wa em ya u number AP-16-1257 da ya tyrrah ko wa kawi tawon ka truck wa thylli wa em ya u number ML-10A-0865 heiwa uwa yah ya ka truck wa kit mar u K. Nagaraju wa uwa yarap ya oo u B. Ashok kamjooh uwa yah ya ka Truck wa thylli u Lemingstar Lamin wa uwa chong hapoh kani ka Truck u Ping Phawa da mynsoo ki wei da kit ya ki bak-bak cha Civil Hospital Ialong.

Ha iwi tawon i yatyrrah kari, kawi ka truck kit mooyong wa em ya u number ML-05E-1104 tyrrah ko ya kawi ka kari Tata Indica wa em ya u number ML04-A-6225 ha Sohshrieh Petrol Pump heiwa ki arngut wa em hapoh ka Indica da mynsoo joor ki kiwa kynthup ya u Shining Bareh waka Nidaemi Sungoh wei da kit ya ki cha Civil Hospital, Ialong wei hadien da kit won ya ka Sungoh cha Shillong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024