Ynnin i miet ka 20 tarik, kawi ka Bus Night Super kawa em ya u Number AR-20-9099 kawa kit boon ki bru deilang wa ki jhoor da kylla ko ha u sarokbah ha ka chnong Shangbangla.
Katkam ki khubor wa da yoh, kani ka Bus toh kawa wan na Guwahati ryngkat wa 37 ngut ki bru kawa thmu wow lai cha Silchar, wei mar poi ko ha i thaw wa dong ha Shangbangla kani ka Bus da kylla ko.
Da ong wa i daw wa kylla ko toh neidaw wa Fail Brake kani ka Bus wei ha ini i jia da em boon ngut kiwa mynsoo wei da kit noh ya ki cha Civil Hospital Nongpoh wei da em leh kattu katni ngut kiwa da phah wow chah sumaar ki ha Guwahati yow yoh sumaar ki deiwa rap bniah.
Neiliang kiwa chong chnong da kyrpaad ki ya ka NHAI wow booh noh da ki Speed Breaker ha ini i thaw khnang wow lait i jia wa sñiawsih neini chaphrang neibhah da jooh da boon sien ha ini i thaw.
