Kamwa 7 ngut ki wakreh ka Party Congress da mynsoo ki hadien wa mih i ya awri hapyrdi kiwa kyrchaan ka Indian National Congress (INC) waka National People’s Party (NPP) ha Garodoubi, Rajabala wa em ha West Garo Hills.
Kini ki thaw wa em leh ka yalap Election chiteiñ samoi kawa da joor bha ynne ka sngi khaddooh heiwa u Montri Rangbah ka jylla, u Conrad Sangma da emlang u.
Katkam ka FIR wa e da ka Congress da ong wa ki kari u Montri Rangbah toh kiwa lai chwa cha ka chnong Garodubi wa Magurmari wei heipor 4:15 i janmiet manda poi ki kari ka Congress ha Garodubi da em kiwa kawang moo kiwa em 24 ngut katkam wa pyntip kiwa mynsoo.
Ha ini i kawang moo da em le tylli ki kari wa da chah ktah heiwa da pynbaad wa kiwa kawang moo toh kiwa leh nei yung uwa kyrchaan ka NPP wei da sai ki leh ya kiwa kyrchaan ka Congress napoh kari wei da dat ki ki.
Neiliang ka Congress da kam ko leh wa em boon ki wakreh ka Party kiwa da wiar wei kiwa mynsoo da pynkit cha Hospital.
Neiliang ki pulit ka Phulbari PS wa na Rajabala Outpost Team da lai ki cha ini i thaw yow pynjai-jai.
Daw pyntip biang cha phi katwa dang yoh khubor.
