Ar ngut ki bru da mynsoo joor ki wa kynthup ya uwi u chipai ka BSF hadien wa em i pdung wa khlanbor ha Umpling, Lumdiengmet hei miet ka 19 tarik heipor kamwa 10:00 waje.
Da suba wa ini i pdung ye wow man na u tadong chet LPG Cylinder tangwa ym pu ye wow pyntikna neibhah wa ki pulit dang takit ki yeini wa jia.
U chipai BSF uwa da mynsoo da tip kam u Sandeep Kumar wei uwi won da tip kam u Subham Cheran Momin wei kini waroh ar ngut sah ki ha kani ka jooh ka thaw wa e yung wai.
Waroh ar ngut da pynkit cha BSF Hospital ha Umpling Campus tangwa neidaw wa rap joor i mynsoo, da rah noh cha NEIGRIHMS.
Da pyntip wa i long i man yong u chipai BSF da rap biang katwa ya uwi won da pynkit noh cha Guwahati yow phah sumaar rap bha.
Ka tre yung da pyntip ko cha kiwa thoh khubor wa da sñiaw ko yei pdung katwa ka dang pait TV ko. Da ong ko wa i pdung toh iwa khlanbor bha hadooh wa da piah ki yit waroh.
Katkam wa ong ka kurim uni u BSF wa mynsoo, dang mut wow u lai pyntip cha kiwa sahlang ha kani ka thaw hadien wa mih i sma Gas tangwa da pdung noh chwa wow yoh u wow lai pyntip.
Ha ini i pdung, i kynroh wa i yung dieñ wa em hajan katai ka yung da pra i.
Discussion about this post