Mawkyrwat: Kawi ka kari Bolero Camper (Private) kawa em ya u number MLO5 N 8763 kawa thmu wow lai cha yaaw Mawkyrwat da noh ko cha kawi ka synrang ha Riatthawlong kawa em hajan ka yaaw Mawkyrwat, South West Khasi Hills District.
Katkam ka khubor na ki pulit da ong wa kani ka kari kawa kit kwai pathi da mih ko na ka chnong Kynrang wow lai cha yaaw Mawkyrwat, wei ha ini i jia ki ar ngut ki bru da mynsoo joor ki, katwa soo ngut kiwi won da mynsoo ki malum malæ wei da pynkit cha ka thaw sumaar wa marjan.
Kiwa mynsoo joor ha kani ka sngi da tup kam ka Iarliss Kharraswai (45 snem) wa ka Nancy Marwein (60 snem). Ya kini ki ar ngut da pynkit noh wut wut cha Shillong yow yoh sumaar.
Kiwi kiwa da mynsoo na ka chnong Kynrang wa haap ha ka thaaiñ Mawsynram, da tip kam ka Siewdorlin Thongni, ka Aitihun Kharraswai, ka Saintisible Thongni wa ka Nurseicy Kharraswai ya kiwa da pynkit noh cha CHC Mawkyrwat.
Katkam wa pyntip ki pulit ini i jia da jia i heipor kamwa 9 waje i step wei ya ka kari da yah da u Coldbiness Kharraswai (24 snem) wei da suba wa ini da jia i neidaw wa pynhær ya ka kari wei hadooh wa poi u pood wymye de u wow yah ya ka kari.
Discussion about this post