Kawi ka kari Sumo kawa em ya u Number ML-05L-9402 kawa kit ya 10 ngut ki bru da noh ko cha synrang wa yillu kamwa 30-40 phut iwa em hajan Byndihat, East Jaiñtia Hills.
Da antaad wa ini da jia i ynne i step synyaw kamwa 3:00 hadooh 4:30 heiwa ya kiwa mynsoo da kit cha Khliehriat CHC yow chah sumaar wei da kit won ya ar ngut kiwa da mynsoo joor cha NEIGRIHMS.
Kani ka Sumo toh kawa da mih na Aizawl heipor 6:00 waje i miet ka 3 tarik yow lai cha Shillong heiwa da lai luti khlem sangeh wei ini da jia i neidaw wa yoh thiah uwa yah kari.
Neiliang u DC ka East Jaiñtia Hills da pyntip u wa da chem chitom ki paidbah wow yoh Ambulance wot hadien chi kynta i yang, kamtæ mar ya tip u yeini da phah u da ka Ambulance wa em ha Civil Hospital wa ka yong ka NHAI.
U DC da pyntip u wa lada em i jia tyrrah kari ha ki sarokbah, ye wow Phone ya ka NHAI Ambulance ha u Number 1033.
