Ynne i step heipor kamwa 9:45 ha u sarokbah NH-6 ha Ialong, West Jaintia Hills uwi u khynnah da mynsoo joor u hadien wa chah yooh ha kawi ka truck kit phniang.
Uni u khynnah wa 13 snem u khon u T. Dhar na Shilliang Myntang da kaap u chiliang u sarok hajan ki dukan dai kwai ha Ialong, heitæ da wan syndet kawi ka truck wa em u Number ML 05 W 3580 kawa lai cha liang Jowai heiwa uwa yah da yaleh u wow sangeh (brake) tangwa da toh yooh ya uni u khynnah.
Ha ini i jia uni u khynnah da mynsoo joor u na kjat wei da kit ya oo cha Jowai Civil Hospital, Ialong wow yoh chah sumaar tangwa u Medical Officer da phah kit noh u ya uni u khynnah cha Civil Hospital, Shillong yow yoh i sumaar deiwa rap miat.
Uwa yah ya ka truck da yut u na ini i thaw wei hadien da lai pyndem won u ha ki pulit ka Phramer Traffic Cell, ya kani ka truck da chimkti wei da kset ha Phramer Traffic Cell wei da ujor leh ya ka FIR.
Uni uwa yah ya ka truck da tip ya oo kam u Sagar Das uwa 39 snem na Nagaon, Assam.
Discussion about this post