Ynne ka sngi heipor kawmwa 2:40, uwi u bru wa tip kam u Roilang Kyndait da mynsoo u hadien wa haap u kamwa 30 Ft chapoh i thlu um wa dang tih ha iwi i yung wa dang chna ha Mihmyntdu wa em hajan ka yung krehkaam ka Soil & Water Conservation mar chiliang sarok.
Ya kani ka thlu um da tih da san ngut ki bru heiwa da em chwa arngut kiwa da hiar chwa chapoh katwa manda hiar u Roilang, da tkut noh ka Pulley wa pynemkaam u wei da haap bait u sak chadooh cha tre wei da mynsoo u hei bynta u tympong u.
Neiliang kiwa krehlang wa oo nyngkong dang mut ki wow lai thied tylle yow sai oo cha lait tangwa u Roilang da pyntip u wa ym ye de u wow khih neidaw wa joor chah ktah u tympong u, kamtæ da pyntip cha ki pulit ka Fire & Emergency Service wei hadien ini da wan ki bru ka Home Guard & Civil Defense kiwa da ye wow sai ya u Roilang heipor kamwa 4:45 i janmiet.
Ya u Roilang da pynkit ya oo cha Dr. Norman Tunnel Hospital wei toh uwa na ka chnong Sabah katwa kiwi kiwa krehlang toh kiwa na Mihmyntdu hi.
