Jowai: Ynne i janmiet heipor kamwa 5:00 waje da em i jia wa sñiawsih heiwa kawi ka kari da noh ko na u sarokbah NH 44 cha u sarok khian ha Khlieh-Chahtngit wa pynyabi ya u sarok Jowai-Shillong wa ka Riatsasim (NH 40-E).
Kani ka kari toh ka Chevrolet wa em ya u No. ML 05 M 6393 heiwa da em le ngut hapoh kani ka kari.
Ya kani ka kari da yah da u Krishna Burman (17 snem) na Laitkor Shillong Peak heiwa da em u Ishant Marak (24 snem) na Dhanketi Shillong wa u Vicky Marak (25 snem) na Shillong Peak.
Kani ka kari toh kawa wan neiliang Jowai kawa thmu wow lai cha liang Shillong wei hadien ini i jia da pynkit ya ki cha Jowai Civil Hospital, Ialong lyngba ka kari 108.
Da suba wa ini i noh ka kari toh neidaw wa muaid uwa yah neibhah da chem ya ki klong kiad napoh yong ka.
Discussion about this post