Hadien wa bakla ka Google Maps ini wa dep iwa da wanrah yei noh kawi ka kari najrong kawi ka yingkieñ wa dang chna hadooh wa yap le ngut ki bru ha Uttar Pradesh.
Da jia biang sa chisien ha Uttar Pradesh hi heiwa ha kani ka kynti won le ngut da lait im ki hadien wa noh ka kari Tata Tigor ki ha kawi ka wah khian (Canal) wa da raw hajan ka chnong Barkapur ha u sarok Bareilly-Pilibhit State Highway wei ini leh nei bakla ka Google Maps.
Ini toh iwa da jia ynne hi ka sngi wei kani ka kari toh kawa da yah da u Divyanshu Singh uwa na Auraiya wei mut ki u lai ki cha Pilibhit wei da thooh luti ki wow poi cha ka Bada Bypass ha Bareilly deiwa pynemkaam da ka Google Maps kawa da pynoo wa em ar tylli ki luti heiwa kawi toh kawa lai lyngba u Bareilly-Pilibhit State Highway katwa kawi won na kawi ka chnong wei kawa man leh ka luti wa rap tbian heiwa da jied ki wow lai na kani ka luti wa tbian tangwa dapoi ki ha iwi i bynta wa da oor u sarok hadien kamwa 5 Km wei kani ka kari leh da haap ko chapoh ka Canal wa em ha rood.
Ki pulit da pyntikna ki wa u Singh da bood u ya ka luti wa pynyoo ha ka Google Maps wei hadien ini waroh le ngut da ye ki wow mih na kani ka kari khem mynsoo joor wei ki paidbah da pyntip wot ki cha ki bor ka aiñ kiwa da wan wut-wut cha ini i thaw wei da pynemkaam da ka Crane wow sai ya kani ka kari.
Ini waroh leh ye u jia neidaw wa joor u lyoh heipor wa dang step.
Discussion about this post