Mynsoo soo ngut hadien wa chah tyrrah ka kari wa chong ki ha ka truck ha Ialong

Jowai: Ha i step yong ka 23 tarik uni u bnai hei por kamwa 3:00 waje kawi ka kari Maruti 800 da chah tyrrah ko ha kawi ka truck ha Ialong, West Jaiñtia Hills.

U Kormonmiki Bang na Sabahmuswang da ujor u ha ki pulit heiwa da ong u wa ka kari Maruti yong oo kawa em u No. ML04-C-4318 wa yah da u Ruki Bang da chah tyrrah ko ha kawi ka truck wa em u No. AS01-DD-8407.

Neidaw wa joor ini i chah tyrrah ko kiwa chong hapoh kiwa tip kam ka Roti Shylla, ka Dakaru Shylla (ka khon ka Roti Shylla) wa ka Elaka Lyngdoh waroh kini na Sabahmuswang, West Jaiñtia Hills da mynsoo ki wei da pynkit ya ki cha Civil Hospital, Ialong.

Uwa yah ya kani ka truck da yut u na ini i thaw hadien wa jia ini wei ki pulit da kem ki ya kani ka truck.