Mynsoo u Actor wa ka kurim hadien wa chah tyrrah ha Guwahati 

U Actor wa pawnaam ka Bollywood, u Ashish Vidyarthi chirup wa ka kurim u, ka Rupali Baruah da mynsoo ki ha i chah tyrrah ha Zoo Road ka Guwahati ha ka 2 tarik uni u bnai.

Ini i tyrrah da jia i heipor 11:00 waje i miet hapoh u pood ka Geetanagar Police Station hadien wa tyrrah ka thuk-thuk ki katwa dang kaap sarok ki.

Uwa yah ya ka thuk-thuk leh da mynsoo joor u hadien wa tyrrah ya ki wei da yapler u.

U Ashish wa ka kurim u heipor wa jia ini dang dep wot ki wow baam ja miet na kawi ka Restaurant wei heipor wa dang kaap sarok da wan kawi ka thuk-thuk kawa pynhær bha kawa da tyrrah ki wei uni uwa yah leh da haap wei da mynsoo u iwa da jia hakhmat ka Guwahati Address Hotel.

Ki bru wa sakhi da ong ki wa kani ka thuk-thuk toh kawa wan neiliang Chanmari wei kawa pynhær bha.

Related posts

Chem kiwa sait that yei khonboo wa em wa noh

January 24, 2026

Chongchit ka lehkmen National Voters’ Day ha Amlarem

January 24, 2026

Ya kini ki chi kurim da kit noh cha Apollo Hospital katwa ya uwa yah thuk-thuk da kit cha Gauhati Medical College.

U Ashish ha ki rynsan Social Media da pyntip u wa da mynsoo u malu mala donhi wei ka kurim u dang em ko hei pait ki Doctor wei sñiawkmen u wow tip wa uwa yah thuk-thuk leh da tip yong bru u.