Ha iwi i jia wa yoo maa du neibynta wow chna ya ka Reel ha Instagram, uwi u khynroo uwa na Chhattisgarh da kynthih u na ka kchaaid Dhaskund kawa em ha u sarok Sirpur Road ha chnong Awarai ka jylla Chhattisgarh hadooh wa da mynsoo joor u.
I Video wa da riñ yeini wa jia, da pynyoo i wa uni u khynroo da tyngkhooh u ha ki moo wa em rap cha tre kani ka kchaaid hadien wa da kynthih u na khlieh kani ka kchaaid.
Uni u khynroo da lai u cha kani ka thaw chirup wa ki ar ngut kiwa na chnong Cherkapur wei heipor wa kynthih u na ka kchaaid, u lok u da riñ Video u wow booh ha Instagram.
Neiliang ki lok wa ki bru wa em heini da yarap ki wow sai oo na ka um heiwa uni u khynroo da yaplær u.
I Video da pynyoo i leh ya kiwi tawon kiwa kynthih na i thaw wa tbian yong kani ka kchaaid tangwa uni u khynroo da ku u na khlieh dooh kani ka kchaaid iwa da wanrah ya oo wow mynsoo u.
Katkam wa man katni uni u khynroo dang em u hapyrdi i sumaar ha sor Balodabazar, Chhattisgarh.
Discussion about this post