Jowai : Ynnin ka 4 tarik i step heipor kamwa 6 waje da em i jia iwa phylla heiwa da em kawi ka truck kit phniang (oil tanker) kawa em u No. AS 01 DC 7300 hapyrdi wa dang lai ko da pdung ka chaka khmat yong ka.
Ha ini iwa jia kani ka truck kit phniang hadien wa da pdung ka chaka khmat yong ka neiliang timun wei uwa yah ym ye de u ka u pyllai ya kani ka truck, ha ini i por da em ka truck 12 chaka wa wan mar pyrchah kawa em u No. WB 41G 5218.
Kani ka truck kit phniang da tyrrah ko mar pyrchah wa kani ka truck 12 chaka wei heini i jia uwa yah ya ka truck kit phniang da mynsoo u katwa uwa yah ya ka truck 12 chaka da lait u khlem mynsoo. Ka truck 12 chaka won da tyrrah won ko cha ki dien wa em harood sarok.
Katkam ka khubor na ki pulit da ong wa kini pyn ar kiwa yah toh kiwa na Assam, wei ya uwa mynsoo da pynkit ya oo bran bran cha Guwahati.
Ini da jia i ha Ialong hajan ka Jowai Civil Hospital, Jowai.
Discussion about this post