Jowai: Katkam ka yutip wa yoh na ki pulit da ong wa ynne ka sngi kawi ka truck 12 chaka wa em ya u No. UP 17 C 3611 da noh ko ha uwi u riat wa em ha Wah Mynsoo, Dong Rashi NH 44.
Ya kani ka truck da yah da u Puran Singh na Rajpur Khampur, Baghpat District Uttar Pradesh.
Kani ka truck da noh cha i synrang wa jrong kamwa 10 meter wei toh kawa kit clinker kawa thmu wow lai cha Guwahati.
Da ong wa heini i por da em kawi ka kari khian wa wan mar pyrchah kawa da chim pass ya kawi ka kari wei manda yoo yeini uwa yah ya kani ka truck da yaleh u wow yait ya ka wei ha in i por da noh u cha kani ka synrang.
Ha ini i jia uwa yah da mynsoo u wei da kit ya oo cha Ummulong CHC.
Discussion about this post