Uwi u bru da mynsoo u hadien wa pdung uwi u Bomb ha nongbah Kolkata ka jylla West Bengal ynne i sngi.
Uni wa mynsoo toh uwa 58 snem wei toh uwa jied klong jied Plastic wei da tip ya oo kam u Bapi Das.
Ya uwa mynsoo da pynkit cha NRS Medical College Hospital wa em ha kani ka nongbah.
Da ong wa ini i pdung da jia i kamwa 1:45 i sngi ha laad sarok Blochmann Street wa u S N Banerjee Road.
Hadien ini da khang chipor ya ki luti wow lai cha ini i thaw wei da phah leh ya ki pulit ka Bomb Detection and Disposal Squad (BDDS) wei hadien wa sylli bniah ki da pynlait biang wow lai luti na ini i thaw.
Kiwa sakhi yeini da ong ki wa da mar jia i pdung da lai ki wut-wut cha ini i thaw heiwa da yoo ki ya uwi u bru wa da mynsoo wa thiah ha madan.
Uni u bru da mynsoo u na kti wei da poi ki pulit wut-wut ha ini i thaw wei i takit dang lai i chaphrang heiyatoh wa ini.
Neiliang ki pulit ym pu em pynlait khubor ki yei iwa chem hawa takit.
Discussion about this post