Jowai: Ynne i janmiet heipor kamwa 3:30 da em i chah tyrrah kari ha Soomer ha u sarokbah NH-6 hapyrdi ka truck wa em No. NL-01-G-8133 wa ka kari kamai Alto K-10 wa em No. ML-04-C-7093 kawa da yah da u Demireus Lamare na Nangbah, West Jaiñtia Hills.
Kani ka truck toh kawa kit Clinker heiwa uwa yah da yut u na ini i thaw mar jia ini wei thmu ko wow lai cha Guwahati na East Jaiñtia Hills.
Manda poi ha ini i thaw wa jia uwa yah ya ka truck da bakla luti u (Wrong Lane) wei da tyrrah u ya kani ka Alto K-10 kawa kit ya ki soo ngut.
Kiwa em hapoh kani ka kari toh ka Wailad Lamare (25 snem), ka Greendilla Rymbai (37 snem), ka Prios Sungoh (38 snem) wa uwi u khynnah uwa dang 14 snem wei kini thmu ki wow lai cha Nangbah.
Ha ini i jia uwa yah ya ka Alto K-10 da mynsoo u wei da pynkit ya oo cha Ialong Civil Hospital katwa kiwi ki soo ngut won da takha ki malum mala wei da pynlait ya ki hadien wa e ya ka Fist-Aid.
Ha ini i jia da Register noh ya ka mukotduma wei da taan ya ka kari cha Jowai Police Station katwa ya ka truck won daw taan hadien wa pynlait lut ya u Clinker.
