Uwi u khynroo na India ya uwa tip kam u Harjot Singh da mynsoo u hadien wa chah siat u heipor wa pyrchang u wow yut na nongbah Kiev ka Ukraine yow lai cha Iviv da ka kari chirup wa ki lok yong oo wei katni dang chah sumaar u ha kawi na ki thaw sumaar ha kani ka nongbah.
Da ong u Harjot wa da yut u chirup wa ki lok yong oo na Kiev wei da chah siat ka kari wa chong ki wei ki kuli da toh ki ha tympha wa ha kjat u.
Hajrong ini neiliang u Montri Khynnah ka sorkar pyrdi wa pait ya ka chnat Ministry of Civil Aviation (MoCA), u General VK Singh da pyntikna u yeini iwa jia heiwa da pyntip u wa u Harjot katni dang em u hapyrdi i chah sumaar ha nongbah Kiev.
Katkam wa man katni ka ri India da phah ko ya ki Montri yong ka cha ki ri wa yabi u pood wa ka Ukraine wow booddien yow pynlait ya ki bru na India kiwa dang sahkut hapoh Ukraine kiwa kynthup ya u Jyotiraditya Scindia, u Hardeep Singh Puri, u Kiren Rijiju, u VK Singh wa kiwi kiwi.
