Mynsoo uwi u pulit hadien wa chah siat u ha uwi tawon u pulit na khlieh

Shillong: U wi u pulit langrut da chah kem u hadien wa siat u hadooh ar kuli ya uwi u lok pulit u da ka pistol Revolver yong oo neibynta i khlieh hapoh kawi ka kari kawa dang lai kawa em ya u number ML 01 5879 ha ka miet ka 15 tarik heipor kamwa 10:40 hadien wa mih i yania ha pyrdi kini ki arngut.

Ini da jia i hajan ka 1^st MLP Battalion ha Mawiong hadien wa kini ki arngut dang wan ki na Guwahati wow synran ya uwi u heh ka tnat Public Health Engineering (PHE), u Sean Booth.

Ha ini i jia uwi u pulit langrut wa ksoh yei kyrdan Havildar, uwa tip pyrtuid kam u Sumarto Snaitang da siat u ya u Randhir Kr Singh katkam wa pyntip u SP (Crime) ka EKH, u Vivek Syiem.

Ha ini i jia u Randhir Kr Singh da mynsoo u na khlieh wei da pynkit ya oo wut wut cha Shillong Civil Hospital wei hadien da kyrriah ya oo cha North Eastern Indira Gandhi Institute of Health and Medical Science (NEIGRIHMS) neidaw wa da joor wa mynso u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki pulit da ksoh ki leh ya ka pistol wa kynthup ya 4 tylli ki kuli wa ar tylli ki song thylli kuli na katai ka kari.

U Vivek da ong u wa ye u man wa kini ki arngut da chong chit kiad ki heipor wa liwan ki cha Shillong wei dang pynman ya ka takit yow chem tre yeiwa jia.

U SP won da pyntip u wa da dep Register Case hajrong ini wei ynne ka ka sngi da phah ya u Snaitang ha khmat ka yungbichaar.