Mynstep i yakhih chah-thngan ka CoHSO kam ka dak wow pyrchah ya ka CAB

Jowai: Ka Confederation of Hynñiewtrep Social Organisation (COHSO) kawa man ka satri ki seiñbhalang ka ri-loom Khasi Jaiñtia kam chibynta yong i yakhih pyrchah ya i thmu wow pynman aiñ ya ka CAB (Citizenship Amendment Bill 2016) daw pynman ko da i chah-thngan mynstep ka 24 tarik.

Ya ini i yakhih chah-thngan u pynman ha thaw pynyieñ kari wa em hajan ka Additional Secretariat, Shillong nadooh 10:00 waje i step.

Ka CoHSO toh ka satri wa kdup ya ki 14 tylli ki seiñbhalang yong ka jylla wa kynthup ya ka HYC, HANM, HPF, MPUF, WKSU, WYF, JSU, AJSU, JSM, JYF ,EJNC, CORP, WJNC wa ka RBSU.