Jowai: Ynne ka sngi ka Joint Action Committee (JAC) da yoh ko ya ka chithi na ka sorkar jylla lyngba u DC ka East Jaiñtia Hills wow kyntu ya ki tre truck wow pynkut ki yei yakhih wow sangeh kit mar ki truck na wei cha ki karkhana pynmih khyndaw-bilat.
Heiyatoh wa ka chithi da khut yaklam ya ki ar liang wow yaklam hei emlang u montri rangbah ka jylla, kam u chongknor.
Neiliang ka JAC wa kynthup yaka All Jaiñtia Cement and Clinker Transporters Association (AJCCTA) wa ka Jaiñtia Hills Truck Owners Association (JHTOA) chirup wa ka Meghalaya Truckers Union (MTU) da rai ko wow pynman yaka yalang wa jhan namo ka (Urgent General Meeting) ha i step ka 20 tarik heipor 9:00 waje i step.
Ya kani ka yalang u pynman ha Phramer wow yaklam hajrong kani ka chithi na ka sorkar deiwa kyntu ya waroh wow wan ki cha kani ka yalang.
