Jowai: Hei iatoh wa kani ka iakob kynjet bol, ka Panaliar club da man ko kawa pynkhreh bha wow rah ya ka thong nam jop. Neibhah da yoo wa neiliang ki nongkitkaam chnong yong ka da ialeh bha ki u thooh ki lad ki luti heiwa u iarap ia ki nongialehke kiwa man leh ki khon ka chnong hi. Ha kawa da wanrah ki da u nongsikai wa tbit (football coach) u Ma Milan Lynrah, u wow sikai u iarap e buit ya ki nongialehke.
Neiliang u coach da chim khia u yei kamram wa da e kti ha Oo da ki bor chnong ka Panaliar. Heiwa uni u nongsikai da pynkhreh u hadooh 25 ngut ki player, ia kiwa da sikai u man ka sngi ya ki buit ialehke wa boon rukom nadooh kammon u yangkool yangbak hadooh ki laipyrdi wa ki laiphrang.
U coach neibynta ka ialehke wa nyngkong mynstep ka sngi ka 9 tarik Naikhynde da jied chwa u 18 ngut kiwow mih madan, kitæ toh haka yangbak- Tosanki, Wan-Oo, Mailu, Sniriang, Deimon, Wyndru wa u Boodlangki. Ki lai pyrdi- U Chame, Deimonmiki, Beitmi, Montre. Ki laiphrang – Sankiru, Edison, Teiwot, Jiedkynsai, Dari wa u Dapsmian. Kiwa yangkool – U Wom wa u Suwanki.
Kini ki player 18 ngut da jeid du neibynta ka ialehke wa nyngkong eh chwa. Katwa ia u Captain u Chamewan Lakiang wa u Vice captain Sniriang Sumer ia kini da jied u man ki hadooh wa kut ka tournament, yeini da leh da ii a sniawthooh jingmut lang wa ki waheh ka Chnong. Ha kani ka sngi da em leh i pyllait ia ki sula ialehke (jersey) da ki nongkitkam ka Panaliar.
Neiliang ki bor chnong da pynman ki ka yalang ebor e mynsien ia ki nongialehke, heiwa ia ka ialang da pyllai da u Waheh chnong Ma Arwotki Sumer chirrup i ia emlang kiwi wan ki nongkitkaam chnong.
Discussion about this post