Ka Joint Action Committee (JAC) wa kynthup ya ka Jaiñtia Hills Truck Owner Association, ka Jaiñtia Hills Clinkers and Transporter Association wa ka Meghalaya Truck Union da khut pynman ko da ka General Emergency Meeting mynstep ka 10 tarik ha Takhniang Tuber Kmaichnong heipor 2:00 waje i sngi.
Ha kani ka yalang wa jhan da khut ya waroh ki tre Truck wa haap hapoh Meghalaya waroh kawi wow wan cha kani ka yalang wow chim i rai kammon wow yakhih rap khor neidaw wa ki karkhana pynmih khyndawbilat ym mano ki wow pynkrehkaam ya i dor bai kit mar wa da booh ka sorkar ha ka 25 Naikhynde 2020.
Ha iwi i liang da kyntu ya ki tre Truck wow e pyrtuid hapoh ka satri ka JAC ya ki kari yong ki khnang wow em i yatylli waroh ki tre kari.
Ka JAC da ong ko leh wa ki tre kari kiwa ym e pyrtuid hapoh i por wa da booh wymtoh u silet ki katwa kamtæ da kyrpaad joor ya ki tre kari wow wan khlem pep cha kani ka General Meeting khnang wa i thmu wa bha yong ka JAC u man i iwa jop.
