Ynne ka sngi hadien wa chimkhia u CM ka jylla Meghalaya wa u CEM ka KAAC wa ki heh chnong heiyatoh wa i ah kba ha Lapangap, da rai wow sdang yei ah kba nadooh mynstep ka sngi ka 22 tarik.
Neiliang ki Magistrate wa ki bor pulit daw em hi ki ha kani ka thaw wow yada ya ki warep wei wow khang lada em kiwa wan na baar kiwa ye wow pynchongchit wei pynmih awri awra.
Neiliang ki bor District da yaroh ki leh ya ki paidbah ka Lapangap wa da man kiwa yaichah waroh chi kattu wei da man kiwa da pynkhreh wow pynneh yei chongsuk ha ki sngi wow wan neibynta u ah kba wei wow neh i suk i saaiñ khlem da mih ki wow pynyoo dei bor.
Kam wow pynkynmoo wa ynnin ka sngi da yachem ki bor District ka West Karbi Anglong wa West Jaiñtia Hills District heiwa da rai wow wanrah yei suk i saaiñ wei wow e laad biang ah kba kiwa na Lapangap kamjooh kiwa na Tahpat
Discussion about this post