I yaklam pynbait pood neibynta ka wat wa ar hapyrdi ka Assam-Meghalaya u sdang ko mynstep ka sngi ka 24 tarik ha State Guest House Koinadhara, Assam.
Kani ka yachemlang wa daw emlang da kiwa yahkhmat ki ar jylla u sdang ko nadooh 11:00 waje i step.
Kam wow pynkynmoo wa ka sorkar Meghalaya ha u bnai Wisu da pynbna ko ya ki dkhot ki Regional Committee neibynta ka West Jaiñtia Hills, West Khasi Hills wa Ri-Bhoi District.
Ya kini ki District Committee da e por 45 sngi nadooh ka 24-03-23 wow lai hiar cha ki 6 tylli ki thaw wa em ya kajia pood wei wow phah ya ka bui (Report) cha ka sorkar.
Hawa lai hiar cha ki thaw khappood hap wow leh deiwa ya pynbait tarik lang wa ki Regional Committee ka Assam.
