Shillong: Kiwa kitkaam ka JACATAM da lai yachem ki ynne ka sngi ya u Princial Secretary ka tnat puræ puthi ka jylla u Donald P Wahlang wow booddien wei wow thooh yei sakhiat hajrong i rai ka sorkar lyngba ka dhab ki montri wow pynku tulop wa 100 chah ka sorkar neibynta kiwa sikai skur Adhoc ha ka kyrdan Primary wa Upper Primary wa kynthup ya kiwa sikai Hindi.
Ha ini i yachem neiliang u Principal Secretary da pyntikna u ya ka JACATAM wa ki kot ki sla hei yatoh wa ka tulop thymme, da phah nadooh ka 31 tarik Naisan cha u Director ka tnat School Education and Literacy wow leh yeiwa emkaam.
Katni chong ko sadu ha ka yung krehkaam u Director ka DSEL wow pyndep ya kini waroh lyngba ka office u Sub Divisinal School Education Officer (SDSEO).
Da yooluti wa ka tulop thymme kiwa sikai Adhoc u yoh noh ha uni u bnai kamwa da angnood ki da slem.
Neiliang ka JACATAM da pynsñiaw ki yei sñiawngooh yeiwa da leh ka sorkar wow pynku tulop noh ya kiwa sikai skur.
Discussion about this post