Ka tamasa Syntu Ksiar Music Festival 2021 wa pynlai da ka Dorbar Chnong Panaliar, Jowai u man ko haka 5 tarik uni u bnai, hajrong ka thong u pynbha pynyoosuk chooh chooh ya ka Syntu Ksiar kawa man kawi na ki thaw uiñkesuwari wa bna naam dooh hapoh Ri-loom Jaiñtia. Kamtæ neiliang u waheh chnong ka Panaliar u Riquoma Rq. Laloo wa u General Secretary u Careme Phawa da yooluti ki wa i wan chimbynta ki paidbah u yarap i yei thmu wa bha ha ka chnong heiyatoh wow riñ chooh chooh ya ki bru cha kani ka thaw na jan wa na jngai.
Da pyntip ki wa ha kani ka tamasa ki dukan (Stall) waphær waphær nadooh ki wow pynwyrngia ya ki khynnah hadooh kiwa heh wei daw wai ki nadooh i por 10:00 waje i step katwa i tem i put won u sdang i nadooh i por 3:00 waje i janmiet hadooh 10:00 waje i miet.
Daw wan pynchongchit chooh chooh ya kani ka Music Festival da kiwa tem kam ki Band’s Men na Jowai, na baar ka jylla ki Lady Midday katwa ka DJ kynthai ka Holy C won toh kawa na Russia.
Kamtæ da kyrpaad ya ki paidbah u wan chimbynta ki ha katai ka tamasa Music Festival ka wow pynkmen pynka-it ya waroh.
