Jowai : U CEM ka JHADC ynne ka sngi da pyntip u wa ka Council u pynthymme noh ko ya ka Forest Policy yong ka, ka wow man ka wa da em katni kawa yahaap wa ka juk thymme.
Da pyntip leh wa da thooh ki ya kiwa boon kiwa stad ya ka aiñ hei yatoh wa ini.
Ya ini da pynkham kti ki ha ka company na ri Germany kawa tip kam ka Deutsche Gesellschaft für Internationale Zusammenarbeit (GIZ) kawa em ophis leh ha Shillong kiwa kreh kyrpang yow wanrah ya i roi i paar kam ha i rep i riang, i chait i khiah, puræ puthi wa kiwi deiwa kreh lang wa ki sorkar ha kylleiñ ka pyrthai.
Yow chna ya ka Forest Policy u leh da u K.M. Pala uwa man kam u Senior Technical Expert kani ka Company wei uwa da bniah bha ya kam kini ki jait kaam.
Discussion about this post