Jowai: Ka yalang ka dhab ki montri ka sorkar jylla ynne ka sngi da rai ko wow pynku ya i pynmih dud ha kani ka jylla deiwa sdang chwa na East Khasi Hills.
U Symbood Montri Rangbah ka jylla, u Prestone Tynsong da pyntip u wa ka sorkar daw chim ram ko T.200 klur lyngba ka East Khasi Hills Cooperative Union Limited ka wow pynlai ya kani ka kaam wow pynku ya i pynmih dud deiwa pynrap wa katni ka jylla pynmih ko 10 hajar litre i dud ha ka chi sngi wei da booh thong wow pynmih hadooh 50 hajar litre.
“Ya kani ka T. 200 klur da e ram T. 150 klur na ka National Cooperative Development wa T. 50 klur daw e yarap ya ka jylla”, da ong u Prestone.
Heijooh i por da ong u wa kani ka Society daw chna leh ha kiwi ki district ha ka jylla ka wow pynyaar ya i krehkaam chadooh ki thaaiñ nongkyndong.
Neiliang u Montri ka chait i khiah, u Alexander Laloo Hek da pyntip u wa ka sorkar da rai ko wow pynkrehkaam ya ka MHIS phase IV deiwa pynku na ka T. 2 lak cha ka T.5 lak kawi ka card neibynta 5 ngut ki dkhot ka manyung ki wow yoh yarap heipor wa chah sumaar.
Da ong u wa hadooh katni em 8.8 lak tylli ki manyung ha kani ka jylla ki wow yoh myntoi na kani ha i por wa chah sumaar, tangwa da ong leh wa kani ka scheme da pynlait noh ya kiwa kreh sorkar.
Discussion about this post