Kam chibynta wow yakhun ya ka khlam COVID-19, neiliang ki bor District ka West Jaiñtia Hills da sdang ki wow pynkhlan ya ka Active Surveillance namo wow pynboon ya ki Test hapoh ka District.
Hawa yaklam wa u DC ka West Jaiñtia Hills, u Garod LSN Dykes da ong u wa hajrong ka Active Surveillance sa kawi won ka laad wow yakhun ya kani ka khlam toh lyngba i e tika.
Da ong u wa ha kini ki por wa dadep ki thaw e tika (Vaccination Center) hapoh ka district em ki 19 tylli wei na kani ka tayaw wow wan daw booh noh 64 tylli ki thaw wow e tika.
Chooh chooh da pyntip u wa lada em ki seiñ (Group) næ ki chnong kiwa em boon ngut kiwa kwah u chim tika, ha kitæ leh ye u pynbait kyrpang ha i por wa tbian wow lai e ya ki tika.
U Garod da ong u wa kini ki ar tylli ki laad (wow leh Test wa i e tika) wa ye u yada na kani ka khlam.
Da kyntu u leh ya ki paidbah ymtoh u tieñ ki wow leh ya ki Test neibhah daw ye u yada pynda-i ya-i hi wa ya ka yung ka sem neibhah wa boon kiwa khlaad hapoh ka District toh wa slem ki u leh ya ki Test.
Ka laad wa ar toh ka laad kawa yada chi rta wei katæ toh wow chim ya i tika heiwa da kyntu u ya kiwa da dap 18 snem tam wow wan chaphrang wow chim ya ki tika.
