Neiliang ka Directorate of Education Research & Training (DERT) da pyntip ko wa ka Result ka Meghalaya Teachers Eligibility Test (MTET) 2025 da ku bha ka Pass Percentage cha ka 61.56% neibynta ki Lower Primary wa 63.23% neibynta ka Upper Primary deiwa wanrah i kylla ha ka Syllabus deilang ka Assessment Reform.
Ha uni u snem da em 13,940 ngut kiwa sikai Lower Primary wa yaleh Exam heiwa kiwa Pass da em ki 8,581 ngut iwa man 61.56% katwa kiwa sikai Primary kiwa da yaleh da em ki 12,136 ngut wei kiwa Pass da em ki 7,674 ngut iwa man 63.23%.
Neidaw wa ha ka MTET 2023 da duna bha kiwa Pass, neiliang ka DERT da pynthymme ko neiwa jooh ymtoh de deiwa kheiñ boon deiwa thoh du ha ka Exam tangwa deiwa bood leh ya ka thong ka NEP 2020 deiwa pait hadooh katwon stat kiwa sikai yei kaam wa leh ki wei deiwa pynemkaam leh ya ka Bloom’s Taxonomy heiwa da pynman leh ki Workshop nadooh kammon wow chna ya ki Question Paper yow yahaap katkam ka Syllabus kamjooh ki kyndon wa hap wow bood.
Da pynkynmoo leh neibynta ki Lower Primary kiwa Pass ha u 2019 man ko 16.29%, ha u snem 2021 man ko 15.40%, ha u 2023 man ko 8.11% katwa ha uni u snem 2025 man ko 61.56%.
Neibynta ka Upper Primary ha u snem 2019 ka Pass Percentage man ko 20.12%, ha u snem 2021 man ko 26.20%, ha u snem 2023 man ko 9.27% katwa ha uni u 2025 man ko 63.23%.
I 61.56% neibynta ka Lower Primary wa 63.23% neibynta ka Upper Primary toh iwa heh dooh ka Pass Percentage yong ka MTET nadooh u 2019.
Discussion about this post