Na ki 26 tylli ki dakha, 13 toh kiwa ym em e dawai Formalin: AL Hek

Shillong: I hær smat ki khubor hamsaya heiyatoh wa i wanrah dakha na baar jylla wa da dung (Inject) dawai Formalin ya ki, da pynman ya kiwa khayi dakha hapoh ka lama Khasi Jaiñtia Fish Wholeseller & Retailer Association (KJFWRA) da kyruiñ ko cha ka sorkar jylla neidaw wa hiar syndet ka yaaw dakha.

Hawa klam hadien ka yalang wa ki dkhot ka KJFWRA, u montri ka chait i khiah, u Alexander Laloo Hek da ong u wa ka sorkar hadien wa mih ka khubor hamsaya da phah pait bniah (Test) ko 26 tylli ki dakha cha ka State Public Health Laboratory kawa em ha Guahati, Assam wei napyrdi kini 13 tylli da yoh ya ka bui (Report) wa pyntikna wa ym em kam itæ i chah pynbaad wa da e dawai ya ki dakha da ka Formalin.

U Hek da ong u leh wa ka sorkar dang yang ko sa ya ka bui wow yoh neibynta ki 13 tylli ki dakha wa da phah ko wei yooluti u wa daw yoh yeini hapoh ar tayaw deiwa pynrap wa lada chem wa man i iwa sakhiat wa pynemkaam dawai, neiliang ka sorkar da kyntu ko ya kiwa khayi wow kreh lang wow khang chipor wow wanrah dakha na baar jylla.

Da ong u leh wa ka tnat ynne ka sngi da yoh ko ya ki tiar wow sylli bniah, ki Formaldehyde Detection Kit (FDK) na ka National Institute of  Fish kawa em ha Cochin, wei dei wanrah ya kini daw yarap ko chiboon wada e dawai namo ym em ya ki dakha wa wan cha kani ka jylla wei yeini daw leh da ki sahep ka tnat i chait i khiah wa ka tnat wa pait ya ki kaam dakha.

Related posts

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

Da ong u leh wa ya i sylli da leh ym du ya ki dakha wa wanrah na Assam, West Bengal wa Andhra Pradesh tangwa da leh leh wot ya kiwa napoh ka jylla leh kamjooh.

Chooh chooh da ong u wa ki dakha wa da wanrah na baar jylla chapoh Meghalaya da kynjoh i cha ka 21,000 Metric Ton ha ka chi snem wei ha East Khasi Hills emkaam dakha hadooh 18, 000 Metric Ton chi snem.

Neiliang u President ka KJFWRA, u Mitchell Wankhar da ong u wa ini i hær smat ka khubor wa ki dakha na baar man ki kiwa da dung dawai Formalin da ktah ko chiboon ya ka yaaw dai dakha kamwa 30%.

Da ong u wa ka jylla baam ko du 10% ka dakha hawa wyrchaw wa i emkaam dakha ha Assam, wa ha West Bengal kamwa 90% kiwa chong chnong toh kiwa baam tangwa ym em kam kani ka khubor wei da pynrap wa i hær ki khubor ha ki Social Media da ye u man lyngba i leh yong kiwi kiwi.

Chooh chooh da ong u wa chimpor i hadooh 5 sngi wow pynpoi ya ki dakha na Andhra Pradesh cha Shillong wei i rukom song ya ki dakha man i ryngkat wa u thah khnang wa ki dakha ym pyut ki.