Katkam wa pyntip ka sorkar jylla Meghalaya wa hadooh ynne ka 4 tarik da em 248 ngut kiwa yoh COVID-19 kiwa dang em ha ki Hospital kiwa sumaar ya kiwa yoh ya uni u khñiang hapoh ka jylla kiwa em 19 tylli.
Waroh ki thaw thiah wa da booh neibynta kiwa yoh COVID-19 da em ki 703 tylli heiwa kiwa da pynemkaam da em ki 248 tylli wei dang lait sa 455 tylli.
Ka thaw sumaar wa boon thawthiah dooh toh ka NEIGRIHMS kawa em 155 tylli kiwa katni dang pynemkaam 17 tylli wei dang lait 138 tylli.
Ki Hospital wa duna thawthiah dooh toh ha District MCH, Tura wa ha Baghmara Civil Hospital kiwa em mar 3 tylli pynbood saka Ampati Civil Hospital 4 tylli, Nongpoh Civil Hospital 6 tylli wa ha BSF Hospital, Shillong 10 tylli tangwa heini kiwa chah sumaar kiwa yoh COVID-19 da em ki 12 ngut.
Ha ri-loom Jaiñtia hapoh ka Khliehriat 100 Bedded Hospital da booh 20 tylli ki thawthiah heiwa da pynemkaam 2 tylli katwa ha MCH Hospital da booh 60 tylli ki thawthiah heiwa da pynemkaam 8 tylli wei dang lait sa 52 tylli.
Kiwa boon dooh kiwa yoh COVID-19 kiwa dang chah sumaar toh ha Nazareth Hospital, Shillong kiwa em 65 ngut wei ki thawthiah wa dang lait toh 5 tylli.
