Ka Ministry of Home Affairs da pynbna ko wa kam chibynta ka lehkmen Republic Day 2022 daw pynkup burom ya 939 ngut ki pulit ka ri deiwa e khusnam ya ki da ki Gallantry Medal/Service Medal.
Kini toh ki Police Medal for Gallantry (PMG) wa em 189 ngut kiwa daw yoh, ki President’s Police Medal for Distinguished Service (PPM) wa em 88 ngut wa yoh waka Police Medal for Meritorious Service (PM) wa em 662 ngut kiwa yoh.
Na ki 189 ngut ki pulit wa yoh ya ka Police Medal for Gallantry (PMG), 134 ngut toh ya ki kaam chlur ki pulit ha ka thaaiñ Jammu & Kashmir, 47 ngut kiwa kreh ha ki thaaiñ wa em ki Left Wing Extremist wa uwi ha ka thaaiñ Northeast uwa na Manipur.
Da pynkup burom leh ya ki CRPF 30 ngut, ki ITBP 3 ngut, ki BSF 2 ngut wa ki SSB 3 ngut.
Kiwa yoh ya ka President’s Police Medal for Distinguished Service (PPM) kiwa em 88 ngut, da em mar uwi na ki pulit ka jylla ka thaaiñ Northeast lait naka Meghalaya kiwa kynthup ya ka Arunachal Pradesh (01), Assam (01), Manipur (01), Mizoram (01), Nagaland (01), Sikkim (01) wa ha Tripura (01).
Na kiwa yoh ya ka Police Medal for Meritorious Service (PM) kiwa em 662 ngut, hawa pait ya kiwa yoh na ki jylla ka thaaiñ Northeast kiwa boon dooh toh ha Assam (13), Tripura (06), Manipur (04), Mizoram (03), Arunachal Pradesh (02), Meghalaya (01), Nagaland (01) wa ha Sikkim (01),.
Uwa na Meghalaya uwa yoh ya kani ka Police Medal for Meritorious Service toh u Banpyrkhat Nonsiej, Deputy Superintendent of Police uwa kreh ha ka yung krehkaam u ADGP (Special Branch), Secretariat Hills, Shillong.
