Katkam wa pyntip ka Mining & Geology Department cha ka Single Member Committee wa khlieh da u Judge (Rtd) BP Katakey kawa man kam chibynta ka mukotduma wa da yaleh da ka High Court ka Meghalaya hi heiyatoh wa i tih mooyong hapoh ka jylla, da em 17 ngut kiwa da yoh yaka Prospective License yow leh sorjamin hadooh katwon em mooyong ha i thaw wa mut ki u tih katkam ka kyndon ka Mineral Concession Rules, 1960.
Na kini, da em 4 ngut kiwa da yoh yei mynjur ya kani ka Geological Report yong ki da ka Ministry of Coal ka sorkar India.
Kini ki 4 ngut da yoh ki leh yei mynjur yaka Mining Plan yong ki wa da e ki cha ka Ministry of Coal wei da booh ki leh yaka Application yow yoh yaka Environmental Clearance naka sorkar jylla wa naka sorkar pyrdi ka wym pu em yoh hadooh katni.
Da em leh sa ar tylli ki Geological Report kiwa da yoh yei mynjur da ka Ministry of Coal tangwa ym pu em pyntip wa lada yoh ki yei mynjur yaka Mining Plan yong ki kiwa da e ki.
Kiwa da yoh yei mynjur yaka Mining Plan tangwa kiwa dang yang u yoh yaka Environmental Clearance hapoh East Jaiñtia Hills toh ar tylli kawi ka thaw wa em ha Lumiakhi-Wahsarang wa kawa em ha Saryngkham, Byndihati kiwa haap hapoh ka Khliehriat C&RD Block.
Kawi won toh kawa em ha chnong Umber, Kalagaw kawa haap hapoh ka Ranikor C&RD Block, South West Khasi Hills.
Kawa khaddooh toh kawa em ha chnong Pyndengshalang, Sdaddkhar hapoh ka Nongstoin C&RD Block, West Khasi Hills District.
Discussion about this post