Ynne ka sngi da em 31 ngut kiwa dang yoh COVID-19 ha Meghlaya iwa da pynpoi ya kiwa da dep yoh ya uni u khñiang wow em ki 93,869 ngut wei kiwa dang chah ktah da ku cha 42 ngut heiwa kini kiwa dang chah ktah toh ha East Khasi Hills (23), Ri-Bhoi (04), South West Khasi Hills (03) wa ha West Khasi Hills (01).
Neiliang ka chnat i chait i khiah da pyntip ko wa boon na kiwa dang yoh toh ki khynnah skur kiwa da chah Test heipor wa lai chimbynta ki haka NEHU Atheltic Trials wei boon na ki toh ki wym em ki dak ki chin wa chitom wei man ki kiwa khlan wei da chong kset ki ha jar jiar ki yung ki.
Kamtæ ka sorkar da pynkynmoo ko ya ki paidbah wa ka khlam ym toh kawa da kut wei emkaam wow chim yei tika da waroh kiwa da biang rta wa kynthup ya ki khynnah wa em 12 snem chaneiñ neibhah i tika toh iwa ye u yarap nei ware lada yoh ya uni u khñiang. Kamjooh leh kiwa da dep yoh tika wow chim sa i tika pynkhlan yei bor yada i doh i pran.
Chooh chooh da ong wa hanla em i ku kiwa yoh COVID-19 tangwa ym em won hap wow thiah Hospital kamjooh leh ym em wa yap.
Da kyntu leh ya ki paidbah wow pynmyllien u im deiwa yada na uni u khñiang deiwa deiñ ya ki Mask wei wow yait u lai cha ki thaw wa boon paidbah wei wow phah lai Test lada emkaam yow lait u poor uni u khñiang.
