I chalan tooh yei chini cha Bangladesh na Meghalaya toh iwa nang joor kat dang lai ki sngi wei wot ha kini ki por wa em i kynaad ha katai ka ri leh ym em sangeh wei da leh yeini wot heipor sngi leh.
Yeini da sakhi ha iwi i Video wa da riñ ki bru paidbah ha ka 11 tarik uni u bnai ha Dawki heiwa ki nong Bangladesh heipor sngi da psiah ki wow lai kit chini na kawi ka kudam wa em hajan khappood wa ka Bangladesh hajan ka madanbol wa em ha Dawki iwa man leh i bynta i wym pu em kær pood.
Ha ini i Video da yoo wa kini ki nong Bangladesh da psiah ki cha kani ka kudam nadien wei ym em wa ksoh wa khang ki.
Kini ki nong Bangladesh kiwa boon bha chynrang wa kynthai da rah lang ki wa u star ha kti yow lai kit ya ini i chini.
Kiwa chong chnong da khana ki wa ini toh iwa da jia man-ka-sngi wei ym em da tieñ ki wow leh yeini wot dei sngi leh.
Discussion about this post