Ka seiñ HNYF Thadlaskein Circle deilang waka Dorbor Chnong Myrjai da beiñ joor ki yei chah pyntkut dusmon yei mynsien yong uwi u khynroo wa tip kam u Kyrshandame Talang u khon yong ka Ladmon Talang uwa chong wa sah ha chnong Moopliang kawa haap hapoh Thadlaskein Block ha ki bru jrah snaam ki wym pu ye u tipmit.
Ini toh iwa da jia hei miet ka 10 tarik uni u bnai heiwa uni u khynroo hadien wa wan mylla da chong-ke u wa ki lok u ha kawi ka dukan ha Moosdai wei hadien ini da mih u na kani ka dukan deilang wa kini hi ki lok yow lai liwan cha yung u.
Hei step yong ka 11 tarik da chem ya oo da ki kattu katni ngut ki bru wa da thiah yap u khlem em sap kawi leh ka sula namo du i dooh lyngthuiñ ha kawi ka lyngkha kawa dang haap hapoh ka chnong Moosdai, Myrjai.
I doh i pran u leh toh iwa da sap ktieh na khlieh ha sla kjat u wei neiliang ki pulit da wan ki wow chimkti yei metyap wei da phah leh Post-Mortem.
Ka seiñ HNYF da phah ko leh yaka khubor sñiawlem cha kiwa ha-yung ha-sem uni u khynroo wei da kyrpaad ya ki bor ka aiñ wow ngam yillu khnang wa kiwa emkti wow pynkut yei mynsien wa lui-lui ym lait ki na ki kti ka aiñ.
Discussion about this post