U MLA ka Amlarem uwa man leh u Montri ka sorkar jylla, u Lahkmen Rymbui ynne ka sngi da ong u wa nadooh u snem 2008 da sdang wow kreh wow pynku ya ki kaam uiñke suwari ha ka thaaiñ War Jaiñtia kam ha Shnongpdeng da sdang u chna ya ka yingkieñ, wow pynmiat ya ka Krangsuri wa kiwi ki thaw wei manda jop u ha u 2018 da pyrchang u wow pynneh ya ki khloo katwa kamtæ ka Chyrmang da ye wow yarap u pynneh ya ka Khloo Bai ha Chyrmang.
Da ong u wa da chna leh ya ki sarok wow pynsuk ya kiwa uiñke heiwa ki bru katni da ye ki wow wan na Nartiang wow lai cha Syntu Ksiar, neitæ cha Chyrmang, Mustem, Thlumuwi, Phe Phe kamtæ ter ter wei da yoh ya ka poisa wa T. 16 klur tam wow chna ya kani ka sarok.
Chooh chooh da pyntip u wa da pynlait ya ka poisa kawa T. 10 klur tam wow chna ya ka Log House ha Shnongpdeng wei kani ympu em u sdang i kreh, ha Darrang da chna ya ka yingkieñ kawa man kam kawa ha Shnongpdeng kawa T. 70 lak.
Heiyatoh wa u sarok, da ong u wa u sarok man u uwa emkaam taam heiwa u sarok na Dawki cha Muktapur man u uwa sih bha tangwa katni da dep chna hadooh 10 Km katwa ka 5 Km u psiah ko lyngba ka PMGSY, u sarok na Amlarem ha Muktapur leh da khut Tender kawa T. 20 klur wow pynheh noh ya uni u sarok.
Heijooh i por da ong u wa ki kaam uiñke suwari (Tourism) u ku ki du dei krehlang kiwa chong chnong neibhah boon ki thaw toh ki yong ki bru samen wei lada ym e thaw ki tre man iwa eh wow pynku ya kani ka kaam.
Puræ leh: I thaw lai uiñke suwari ha Mustem wa em 7 tylli ki kchaaid
