Le ngut ki Bangladeshi da chah kem ki ha ki chipai ka Sashastra Seema Bal (SSB) ha ka 31 tarik u bnai wa dep na khappood ka India-Nepal katwa dang thmu ki wow psiah tooh cha India chirup wa uwi uwa na India wa yarap ya ki.
Ki bru chemphang da ong ki wa ka Nepal da man ko ka ri wa suk dooh ya ki Bangladeshi wow psiah tooh chapoh India neidaw wa suk ki wow yoh Visa.
Chooh chooh da ong ki wa em boon ngut ki Agent wa kreh na ki District ha khappood wa ka Nepal wa yarap ya ki Bangladeshi.
U Sarfaraz Ansari, uwa man u nong India da chah kem u wei da man u u bru wa snar ha ini i kaam wow murieh ya ki Bangladeshi chwa wow phah ya ki cha ki sorbah ha India deiwa chim poisa chiboon.
Hadien wa chim poisa, kini ki Agent phah ki ya ki Bangladeshi cha Patna, Delhi, Mumbai wa Bengaluru.
Discussion about this post