Kiwa lai Shillong wa kiwa lai Jowai nadooh ynne i step da sahkut ki ym duna ya 5 kynta iwa da sdang lait kattæ wer wer hadien wa em ar tylli ki Truck wa sih ha ar tylli ki thaw.
Kawi ka Truck toh kawa sih ha Mukhla katwa kawi won ha Ummulong katkam wa pyntip u SP ka West Jaiñtia Hills wei da em leh i ya tyrrah kari wa khian ha Mookyndur iwa da ye wow pynyasuk du hapoh kattu katni por.
Kani ka sahkut kari toh kawa da jrong chadooh cha Puriang ter-ter hadooh ha Ummulong, Mukhla wei da poi ko leh cha Jowai Bypass.
Ki paidbah wa kwah u lai Shillong da pyntip ki wa da dong biang ki cha Jowai kiwa dang ye u dong katwa kiwa wan cha Jowai da chem chitom bha ki kamjooh kitu kiwa wan neiliang Assam lyngba ka Jowai Bypass.
Iwi na i daw wa boon kari leh toh boon kiwa lai wa wan hadien wa pyndep yei thap Vote ki ynnin ka sngi wei katkam wa pyntip ki pulit boon leh ki kari kiwa yaknieh wa toor bait chakhmat.
