Hadien wa ki pulit da yoh ki wow kem ya u Shabamutlang Syiemlieh (23 snem) uwa da emkti hei tooh thuk-thuk na Golflinks, Shillong ha ka 2 tarik uni u bnai, da kem sa soo ngut kiwi, kitæ u Vencentstar Tongwah (23 snem) uwa na Nongmynsong, Lumshyiap, u Kitborlang Mawlong (21 snem) uwa na Mawsiatkhnam, u Royalroy Lyngdoh (23 snem) uwa na Mawsiatkhnam wa u Ayan Kharthangmaw (21 snem) na Mawhati kiwa emkti hei tooh thuk-thuk heiyatoh won wa ka Case ka Laitumkhrah PS C/No. 29(3) 2026 kiwa da pynngat hapoh ka kyndon 305(b) BNS, ha Sadar PS C/No. 78(3) 2026 hapoh ka kyndon 305 (b) BNS wa sa kawi ka Case ha Sadar PS C/No. 97(2) 2026 hapoh ka kyndon 305(b) hi ka BNS wei ya kini da kem da ki pulit ka Jowai PS.
Kamtæ ki pulit ka Pasteur Beat House da lai ki cha Jowai Police Station yow leh yeiwa emkaam heiwa da kylli takit ya kini kiwa da phla wa da tooh ki ya kawi ka Yamaha R15 na Umroi, kawi ka Yamaha R15 na Goraline, Laitumkhrah wa kawi ka Scooty na Golflinks.
Da chem leh ki tiar ki tar kini ki thuk-thuk kiwa da looid wei dang yaleh wow tip kiwa na kawon ka thuk-thuk.
Chooh chooh da phla ki wa ki thuk-thuk wa tooh ki toh kiwa da e kti ha uwi u bru ha Ladrymbai.
Hadien wa tip yeini da lai ki pulit ka East Khasi Hills cha Ladrymbai Outpost heiwa da lai kynreh ya kawi ka yung wa dang chna wa em ha Ladrymbai, Dongwah heiwa da chem ya kini ha wah:
Kawi ka Yamaha R15 (ML-05AB-2991)
Kawi ka Yamaha Ray Z (ML-05AE-1478)
Ki tiar ki tar wa da chah looid kiwa chem toh yong kawi ka Yamaha R15 (Engine No. G3N4E0601845, Chassis No. ME1RG67HBP0013817) wa kawi won yong ka Scooty (Engine No. E33SE0218026, Chassis No. ME1SEJ2H8N0016166).
Ya kini ki tiar ki tar da song ha ki churia deiwa pynkhreh wow phah ki.
Ka takit dang lai ko chakhmat.
I pyntip na u SP ka East Khasi Hills, u Vivek Syiem.
Discussion about this post